Një ngjarje tragjike tronditi Zvicrën më 24 dhjetor.

Një grua 71 vjeçare nga Kosova u gjet e vdekur në Buchs.

Ajo dyshohet se u vra dhe lidhur me rastin janë arrestuar tre persona të dyshuar të moshës 27, 48 dhe 51 vjeç.

Autoritetet tashmë kanë nisur hetimet për rastin e rëndë.

Gazeta e njohur zvicerane “Blick” sjell rrëfimet e banorëve të lagjes ku dyshohet se ndodhi krimi.

Ata deklaruan se ishin të shokuar nga krimi i rëndë.

“Pashë automjete të panumërta policie këtë mëngjes”, tha dje një banor i kompleksit të banesave të familjes Blick.

“Jam e tronditur nga ajo që ka ndodhur këtu, në lagjen tonë të qetë. Fatkeqësisht, policia nuk mundi të na qetësonte apo të na tregonte se çfarë kishte ndodhur”, deklaroi një banore e lagjes për gazetën zvicerane “Blick” .

Ajo theksoi se familja që jetonte në shtëpinë ku ndodhi ngjarja e trishtë nuk ishte shumë e njohur në këtë lagje.

“Gruaja e ndjerë vuante nga probleme shëndetësore”, theksoi ajo.