Adrien Rabiot iu bashkua Milanit pas një përplasjeje me Jonathan Rowe që i kushtoi atij qëndrimin në Marseille.

Ish-mesfushori i Juventusit njihet për temperamentin e tij, megjithatë në dhomat e zhveshjes së Milanit ai konsiderohet si një nga të mençurit.

Në një intervistë me Sky Sport, francezi zbuloi një pasqyrë interesante mbi marrëdhënien e tij të veçantë me Mike Maignan dhe përpjekjet e gjata të portierit për ta sjellë atë në Milan.

“Mike Maignan u përpoq të më transferonte në Milan tre apo katër vjet më parë. Ai është një mik, por mbi të gjitha është një lojtar i fortë, shumë i fortë: ka pak portierë si ai në botën e futbollit”, tha Adrien.

Lidhur me kapitenin, Rabiot e anashkaloi çështjen e kontratës: “Nuk do të hyj në pjesën tjetër, por si lojtar i Milanit shpresoj që ai të qëndrojë sepse është i vështirë për t’u zëvendësuar.

“Ka gjëra që diskutojmë mes nesh, sigurisht, por nuk ka lojtar që nuk do të donte ta mbante atë në skuadër, ai ka besimin dhe respektin e të gjithë shokëve të ekipit.

“Ai është i dashur nga të gjithë sepse është një person i sinqertë. Ne kemi nevojë për të, e kemi parë në këtë fillim sezoni se çfarë mund të bëjë dhe si mund të vendosë ndeshjet”, përfundoi Rabiot.

/GazetaBlic Sport