Duke fituar Kupën Ndërkontinentale kundër Flamengos, PSG tani ka ngritur gjashtë trofe në vitin 2025. 

Megjithatë, trajneri, Luis Enrique nuk po dorëzohet dhe këmbëngul se Paris Saint-Germain do të vazhdojë të fitojë.

“Gjashtë trofe, kjo nuk është keq (buzëqesh)”, tha me shaka Luis Enrique.

“Për ne, është gjithmonë e veçantë të kthehemi në Doha. Jemi të lumtur sa herë që jemi këtu.”

“Kjo fitore do të thotë se do të kemi një tjetër simbol në fanellat tona për vitin e ardhshëm.”

“Ne treguam të njëjtin mentalitet si sezonin e kaluar. Ka mbetur edhe një ndeshje e Kupës së Francës para festave.”

“Pas kësaj, qëllimi ynë do të jetë i njëjtë: të vazhdojmë të fitojmë dhe të luajmë futbollin tonë më të mirë.”

/GazetaBlic Sport