Ukraina do të ketë nevojë për forca të armatosura të forta dhe garanci sigurie pasi të arrihet çdo marrëveshje paqeje me Rusinë, dhe Kievi nuk duhet të detyrohet të dorëzojë territor, tha kancelari gjerman Friedrich Merz në një konferencë shtypi me homologun e tij estonez.

Sipas tij, Ukraina ka nevojë për forca të armatosura të forta dhe nëse arrihet një marrëveshje paqeje.

“Ukraina do të vazhdojë të ketë nevojë për forca të armatosura të forta dhe garanci të besueshme sigurie nga partnerët e saj”, tha Merz.

Garancia më e rëndësishme, tha ai, ishte një ushtri ukrainase e pajisur mirë.

“Kjo është arsyeja pse po diskutojmë edhe për madhësinë e ardhshme të ushtrisë ukrainase ”, theksoi Merz, duke shtuar se ishte shumë herët për të diskutuar ndonjë vendosje të trupave ndërkombëtare.