Trajneri i Bayern Munich, Vincent Kompany, tha se çdo ekip mund të humbasë pas humbjes 3-1 të ekipit të tij ndaj Arsenalit në Ligën e Kampionëve.

“Çdo ekip mund të humbasë, ky është futbolli. Mendoj se nuk e nisëm keq pjesën e parë, por më pas pësuam një gol nga një korner”, tha Kompany.

“Megjithatë, ne rifituam vrullin dhe barazuam rezultatin. Në pjesën e parë ndjeva se mund ta fitonim ndeshjen nëse do të vazhdonim me të njëjtin frymë. Por nuk e gjetëm ritmin tonë në pjesën e dytë. Arsenali arriti ta vendoste ndeshjen. Ata kishin kontroll shumë të mirë të lojës dhe i shfrytëzuan momentet e vogla në avantazhin e tyre”, vazhdoi ai.

Kujtojmë se kjo ishte humbja e parë e Bayern Munich në të gjitha garat në këtë sezon, teksa Arsenali vazhdon shkëlqimin me fitoret e njëpasnjëshme.

/GazetaBlic Sport