Fabio Capello këmbëngul se Milanit ende i mungon një qendërsulmues i duhur, por u kënaq nga performanca e kuqezinjve në derbi.

“Allegri më argëtoi vërtet. Më pëlqeu të shihja dhe vlerësoja mënyrën se si ai ia doli mbanë me gjithçka”, tha Capello, transmeton GazetaBlic Sport.

“Ai e udhëhoqi ekipin nga sekonda e parë deri në të fundit. Taktikisht, ai e përgatiti ndeshjen në çdo detaj. Historikisht, Milani gjithmonë ka pasur vështirësi fizike në derbi, veçanërisht në duelet ajrore. Këtë herë, ata gjetën zgjidhjet e duhura. Përveç goditjes së Acerbit në shtyllë, kuqezinjtë e mbajtën vigjilencën.”

Milani tashmë i ka mposhtur Interin, Romën dhe Napolin këtë sezon, kështu që a mund të synojnë titullin?

“Ende ka një problem të qartë në plan të parë: atyre u mungon një qendërsulmues. Megjithatë, mund të shihet qartë dëshira, shpirti dhe qëllimi për të qenë protagonistë brenda ekipit”, argumentoi Capello.

“E gjithë kjo ndihmohet nga një tabelë lige ku askush nuk po bie vërtet në sy. Sigurisht, ekziston avantazhi i qartë i mospasjes së garave evropiane, gjë që do t’i lejojë Allegrit të punojë me lojtarë që nuk janë të lodhur mendërisht ose të rraskapitur.”

/GazetaBlic Sport/