Lukasz Piszczek është trajneri i ri i GKS Tychy në Poloni.

Ish-lojtari i kombëtares polake, Lukasz Piszczek, ka bërë hapat e parë në karrierën e tij si trajner.

Ish-futbollisti i Borussia Dortmund është trajneri i ri i GKS Tychy, një ekip polak i divizionit të dytë që kërcënohet me rënie nga kategoria.

Kontrata e tij është e vlefshme deri më 30 qershor 2027, me mundësi zgjatjeje edhe për një sezon tjetër, sipas gazetës Bild .

Piszczek është dy herë kampion me Borussia-n dhe tre herë fitues i Kupës së Gjermanisë. Ai bëri 382 paraqitje, shënoi 19 gola dhe dha 49 asiste për Dortmundin gjatë periudhës së tij 11-vjeçare në klub, një periudhë në të cilën ai luajti edhe në finalen e Ligës së Kampionëve UEFA të vitit 2013, të cilën e humbën 1-2 ndaj Bayern Munich.

Ish-futbollisti ka gjithashtu 66 ndeshje ndërkombëtare dhe tre gola për ekipin kombëtar polak.

/GazetaBlic Sport