Ish-lojtari i Liverpoolit, El Hadji Diouf, rrezikon burgun pasi akuzohet për braktisjen e familjes së tij.

Diouf, 44 vjeç, akuzohet se nuk i ka paguar ish-gruas së tij 14,000 paund për mbështetjen financiare të fëmijëve, pavarësisht se pretendon se kishte fondet e nevojshme për ta bërë këtë, transmeton GazetaBlic Sport.

Pas divorcit të tij nga Valerie Bishop në vitin 2023, Diouf duhej të paguante 670 paund në muaj për mbështetjen financiare të vajzës së tyre Kayla, e cila është 17 vjeç, plus shpenzimet mjekësore dhe tarifat e shkollimit.

Senegalezi 44-vjeçar akuzohet se nuk ka paguar pagesat mujore që nga marsi i vitit të kaluar, që do të thotë se i detyrohet rreth 14,000 paund.

Sipas The Sun, Diouf nuk u paraqit në një seancë gjyqësore në kryeqytetin e Senegalit, Dakar, të martën. Ligjet e rrepta të vendit përcaktojnë se mospagimi i mbështetjes financiare për fëmijët mund të rezultojë në burgim.

Diouf është thirrur të paraqitet përsëri para Gjykatës Supreme në Dakar për një seancë dëgjimore më 5 dhjetor.

/GazetaBlic Sport/