Mbrojtësi i Paris Saint-Germain, Achraf Hakimi, ka folur për ambiciet, mentalitetin dhe rritjen e tij pasi ndihmoi klubin të shkruante histori në Ligën e Kampionëve.

Duke reflektuar mbi qëllimet dhe motivimin e tij, Hakimi pranoi se suksesi personal dhe kolektiv vazhdojnë ta shtyjnë përpara.

“Nuk është diçka për të cilën mendoj vazhdimisht, por tani që shoh se kam mundësinë të fitoj më shumë, është vërtet një ëndërr,” tha ai.

Reprezentuesi maroken theksoi se si pjekuria dhe mirëkuptimi brenda skuadrës i kanë ndihmuar performancat e tij:

“Kam marrë më shumë përgjegjësi, ndihem mirë me shokët e mi të ekipit, klubin dhe trajnerin tim – dhe kjo duket në performancat e mia. Jam pjekur shumë gjatë viteve të fundit dhe shpresoj të vazhdoj të rritem si lojtar dhe si person.”

Hakimi diskutoi gjithashtu se çfarë do të thotë të fillosh sezonin e ri si fitues në fuqi të Ligës së Kampionëve:

“Nuk do të thoja se është më e lehtë ose më e vështirë – është më shumë një përgjegjësi. Të qenit kampionë na jep forcën për të mbrojtur titullin tonë. Jo shumë ekipe kanë arritur të fitojnë tituj radhazi, kështu që ky është një motivim i madh për ne.”

/GazetaBlic Sport