Napoli ka konfirmuar se Kevin de Bruyne ka pësuar një dëmtim serioz në muskulin e kofshës dhe pritet të jetë jashtë fushave për disa muaj.

Mesfushori pësoi lëndim gjatë fitores 3-1 ndaj Interit. Lëndimi ndodhi pasi belgu shënoi një penallti për t’i dhënë epërsinë napoletanëve, përcjell GazetaBlic Sport.

Nuk ka informacion zyrtar në lidhje me periudhën në të cilën mesfushori 34-vjeçar do të mungojë, por dëmtimi nuk është shumë i ndryshëm nga ai që pësoi Romelu Lukaku gjatë një prove para sezonit në gusht.

Sulmuesi do të mungojë për rreth katër muaj për shkak të dëmtimit dhe është plotësisht e mundur që një periudhë e ngjashme rikuperimi të kërkohet edhe për shokun e tij të skuadrës në kombëtaren belge.

De Bruyne ka një histori me probleme muskulore, me një dëmtim të ngjashëm që e la jashtë për tre muaj ndërsa ishte te Manchester City.

/GazetaBlic Sport/