Juventusi është nën hetim nga UEFA për parregullsi të mundshme financiare, raporton The Athletic.

Klubi i madh italian u njoftua nga organi drejtues i futbollit evropian muajin e kaluar se kishte nisur një hetim për periudhën trevjeçare nga sezoni 2022-23 deri në sezonin 2024-25, me rezultatet që priten në pranverën e vitit 2026, transmeton GazetaBlic Sport.

Shkelja e rregullit mund të rezultojë në një gjobë financiare ndaj klubit ose në kufizime të mundshme sportive, siç është një kufizim në regjistrimin e lojtarëve në skuadër për turnetë e UEFA-s.

Rregulli i UEFA-s për të ardhurat nga futbolli i kufizon humbjet e klubeve në 60 milionë euro gjatë një periudhe trevjeçare, megjithëse ky limit mund të rritet me 10 milionë euro në vit nëse klubet plotësojnë të katër kushtet që UEFA i konsideron tregues të “gjendjes së mirë financiare”.

Përkufizimi i UEFA-s për këto kritere është: kapital pozitiv, raport i shpejtë, raport i qëndrueshëm borxhi ndaj të ardhurave dhe klubi të jetë një “koncern në vazhdimësi” (domethënë të mos përballet me falimentim).

Lajmi për hetimin vjen përpara mbledhjes së aksionarëve të Juventusit, e cila do të mbahet më 7 nëntor.

/GazetaBlic Sport/