Ish-mesfushori dhe trajneri i Barcelonës, Xavi, e ka lavdëruar Lamine Yamal, duke e quajtur talentin adoleshent një të zgjedhur, por gjithçka varet nga ai që të bëhet një nga më të mirët në histori.

“Lamine Yamal është një i zgjedhur; ai mund të jetë një nga gjenitë në historinë e futbollit, dhe kjo varet nga ai, nga ambicia e tij, nga pasioni i tij”, tha legjenda spanjolle.

Xavi, i cili i dha Yamal debutimin e tij në ekipin e parë në moshën 15 vjeç, e krahasoi më tej 18-vjeçarin me Lionel Messin dhe Neymarin për shkak të aftësive të pabesueshme që ai shfaqi në stërvitje.

“Lamine Yamal bëri gjëra të veçanta, gjëra që do t’i shihje vetëm Neymarin, Messin, lojtarë të atij kalibri. E pashë të gatshëm dhe nuk kisha frikë. As ai nuk kishte frikë, nuk kishte komplekse, mund të bëjë diferencën; ajo që bën në moshën e tij është e mrekullueshme”, shtoi Xavi.

/GazetaBlic Sport/