Kapiteni i Chelseat, Reece James, ka folur përpara rikthimit të “Bluve” në Ligën e Kampionëve, ndërsa ata përgatiten të përballen me kampionët e Bundesligës, Bayern Munich, në “Allianz Arena” më 17 shtator.

“Liga e Kampionëve është vendi ku ne duhet të luajmë. Jemi të lumtur që po rikthehemi duke luajtur kundër ekipeve më të mira dhe duke garuar në garat më të mira, sepse nuk kemi qenë në këtë kompeticion për dy sezonet e fundit”, tha James.

Udhëtimi evropian i Chelseat rifillon në një nga arenat më ikonike në futboll, “Allianz Arena”.

“Ata janë gjithmonë super të fortë. Ata janë gjigantë evropianë dhe e kanë fituar garën më parë dhe e dinë se çfarë duhet. Pra, do të jetë një ndeshje super e vështirë”, deklaroi Reece.

/GazetaBlic Sport