Presidenti amerikan Donald Trump nuk e përjashtoi dërgimin e trupave amerikane në Ukrainë, për të ndihmuar në ruajtjen e një marrëveshjeje të mundshme paqeje.

“Do t’ju njoftojmë për këtë, ndoshta më vonë sot”, tha Trump.

Hapja e tij për të lejuar trupat amerikane në terren në Ukrainë mund të sjellë një ndryshim të madh, pasi Ukraina i konsideron garancitë e sigurisë si kritike për çdo marrëveshje eventuale paqeje me Rusinë.

Trump tha se Evropa do të marrë drejtimin në sigurimin e paqes, por se SHBA-të do të përfshihen.

“Ata janë vija e parë e mbrojtjes, sepse janë atje, Evropa. Por ne do t’i ndihmojmë ata. Gjithashtu, ne do të jemi të përfshirë”, tha ai.

Trump tha se nëse do të kishte një marrëveshje paqeje, ajo do të qëndronte.

“Mendoj se nëse mund të arrijmë paqen, ajo do të funksionojë. Nuk kam asnjë dyshim për këtë”, tha ai.