Ajaccio, një nga klubet emblematike franceze, ka deklaruar falimentimin për shkak të një borxhi të akumuluar prej 13 milionë eurosh, shkruan “Corse Matin”.

Kështu, klubi humbet statusin e tij profesional pas 27 vitesh, duke çuar në mbylljen e rreth 180 vendeve të punës, si dhe të akademisë së famshme, e njohur si më e mira në League 2 sezonin e kaluar.

Shoqata e lidhur me klubin tani po përpiqet të ruajë një vend në të paktën Ligën Kombëtare 3 për të shmangur një kolaps në ligat rajonale. Për ta bërë këtë, duhet të apelojë vendimin e DNGC (Drejtoria Kombëtare për Kontrollin e Menaxhimit) dhe të sigurojë disa qindra mijëra euro.

Ndërkohë, tifozët u mobilizuan dhe brenda 24 orësh mblodhën 12,000 euro përmes një fushate online.

/GazetaBlic Sport