Manchester United ka zbatuar masa shtrënguese në muajt e fundit në një përpjekje për të ringjallur financat e klubit.

Ky vendim është disi kontradiktor, duke marrë parasysh se sa shumë kanë shpenzuar për përforcime në vitet e fundit, transmeton GazetaBlic Sport.

Për të rritur më tej të ardhurat, drejtuesit e Manchester United vendosën të rrisin çmimet e biletave, gjë që shkaktoi pakënaqësi të madhe midis tifozëve, dhe masat e reja, të cilat hynë në fuqi fundjavën e kaluar, ishin pika e fundit.

Tifozët që morën pjesë në ndeshjen e fundit miqësore kundër Fiorentinës para fillimit të sezonit u pritën me çmime dukshëm më të larta të birrës në stadium. Çmimet e birrës u rritën midis 30% dhe 50%.

Për tifozët, kjo ishte pika e fundit, ndërsa klubi e justifikoi rritjen e çmimit duke deklaruar se gjatë dy sezoneve të fundit, kishte ofruar birrë me çmime të reduktuara si pjesë e një projekti pilot, me kërkesë të tifozëve, për ta bërë konsumin në stadium më të përballueshëm. Megjithatë, situata aktuale ekonomike dhe kostot në rritje i kanë detyruar ata të tërheqin zbritjen.

Nuk ishte vetëm çmimi i birrës që u rrit, por edhe çmimi i ushqimit dhe pijeve të tjera, i cili u rrit midis 25% dhe 30%. Manchester United e nis sezonin e ri të Premier League kundër Arsenalit të dielën, më 18 gusht, në orën 17:30.

/GazetaBlic Sport/