Lamine Yamal është cilësuar prej kohësh si pasardhësi i Lionel Messit dhe madje është krahasuar me të, por të dy nuk kanë luajtur kurrë së bashku apo edhe kundër njëri-tjetrit.

Kjo do të ndryshojë pasi CONMEBOL (Konfederata e Amerikës së Jugut) njoftoi zyrtarisht se Finalissima midis kampionëve të Amerikës së Jugut, Argjentinës dhe kampionëve të Evropës, Spanjës, do të zhvillohet në javën e tretë të marsit 2026.

Vendi i finales nuk është vendosur ende, por siç u përmend, ndeshja është konfirmuar zyrtarisht si pjesë e orarit të vitit të ardhshëm.

Çështja se ku do të zhvillohet Finalissima mbetet në axhendë. Fillimisht u duk se ndeshja do të zhvillohej në Shtetet e Bashkuara si pjesë e përgatitjeve për organizimin e Kupës së Botës, por në javët e fundit janë bërë oferta surprizë si nga Katari ashtu edhe nga Arabia Saudite, të cilat janë të interesuara të presin ndeshjen dhe ta sjellin ngjarjen prestigjioze në Azi.

/GazetaBlic Sport