Nuk është ende zyrtare, por Kevin de Bruyne mund të bëhet lojtari i parë në historinë e kohëve të fundit të Napolit që do të marrë zyrtarisht fanellën ikonike me numrin 10, që dikur i përkiste Diego Maradonës.

Ish-mesfushori i Manchester Cityt, i cili iu bashkua kampionëve të Serie A si lojtar i lirë këtë verë, u pa në ditën e parë të stërvitjes duke veshur një uniformë stërvitore me numrin 10.

Në Serie A, e drejta për të zgjedhur numra daton që nga vitet 1990, dhe atëherë Napoli vendosi të tërhiqte numrin 10 në nder të Maradonës. Nëse De Bruyne do të veshë numrin ikonik 10, do të ishte një vendim revolucionar për klubin. Siç shkruan CBS, askush nuk ka pasur guximin ta marrë ose ta kërkojë numrin 10 në qytetin ku Maradona është më shumë se një legjendë e futbollit.

/GazetaBlic Sport