Njësiti i Hetimeve të Kryeqytetit, me autorizim nga prokuroria kompetente, ka publikuar fotografi të disa personave të dyshuar për përfshirje në një rast të sulmit dhe dëmtimit të pasurisë.

Policia e Kosovës kërkon ndihmën e qytetarëve në identifikimin e këtyre personave, të cilët janë të përfshirë në një incident të rëndë dhe për të cilin po vazhdojnë hetimet. Çdo informatë e dhënë nga qytetarët mund të jetë thelbësore për zbulimin e identitetit të tyre dhe zbardhjen e plotë të rastit.

Të gjithë ata që mund të ndihmojnë me informacione relevante, luten të kontaktojnë Policinë e Kosovës në numrin emergjent 192 ose përmes adresës elektronike: [email protected]. Policia garanton ruajtjen e anonimitetit për të gjithë qytetarët që ofrojnë informacione.

Autoritetet ftojnë qytetarët që të jenë të kujdesshëm dhe bashkëpunues në interes të sigurisë publike dhe sundimit të ligjit.