Personat LGBTQ+ dhe mbështetësit e tyre nga e gjithë bota marshuan nëpër rrugët e Washingtonit të shtunën në një festë që synonte të tregonte kundërshtimin ndaj vendimit të Presidentit Donald Trump për heqjen e të drejtave të personave LGBTQ+.

Itinerari i paradës kalonte brenda një blloku nga territori i Shtëpisë së Bardhë në një nga ngjarjet kryesore të fundit të festimit njëjavor të WorldPride.

Uashingtoni u zgjodh si vendi për WorldPride përpara se Trump të fitonte zgjedhjet e vitit 2024.

Që nga rikthimi në detyrë në janar, presidenti republikan ka lëshuar urdhra ekzekutivë që kufizojnë të drejtat për transgjinorët, ndalojnë personat transgjinorë të shërbejnë në forcat e armatosura dhe anulojnë politikat anti-diskriminim për personat LGBTQ+, si pjesë e një fushate për të shfuqizuar programet e diversitetit, barazisë dhe përfshirjes.

Ndërsa mbështetësit e DEI-t e konsiderojnë të nevojshme korrigjimin e pabarazive historike, Shtëpia e Bardhë e ka përshkruar atë si një formë diskriminimi bazuar në racë ose gjini dhe tha se politika e saj transgjinore mbron gratë duke i mbajtur gratë transgjinore larg hapësirave të përbashkëta, shkruan Reuters.