Luis Figo, ish-mesfushori legjendar i Interit, ka ndarë mendimin e tij për finalen e madhe të Ligës së Kampionëve që do të luhet nesër (e shtunë) në Mynih, mes PSG-së dhe Interit.

Në një intervistë për Sky Sport, portugezi theksoi se në këtë nivel, favoritët janë vetëm në letër.

“Ekziston një favorit për ndeshjen e nesërme? “Në çdo finale nuk ka favorit. Në teori ka gjithmonë, por në fund ka pak rëndësi ajo që mendohet në atmosferën para ndeshjes”.

A ka Interi diçka më shumë se PSG? Cilat janë cilësitë mbi të cilat duhet të mbështetet skuadra e Simone Inzaghit?

“Janë dy skuadra me potencial shumë të madh, secila me karakteristikat e veta. Ky edicion i Ligës së Kampionëve ka treguar soliditetin në mbrojtje të Interit, ndërsa PSG ka treguar se di si të kontrollojë ndeshjen dhe të bëjë keq në sulm me lojtarët e saj të shpejtë”.

“Të dyja duhet të mbështeten te cilësitë e tyre nëse duan ta fitojnë kupën”.

Në fund në pyetjen se cilët lojtarë nga të dy taboret i pëlqejnë, portugezi tha se i do ata që bëjnë diferencën.

“Mua më pëlqejnë sulmuesit. Barcola, Lautaro, Thuram… Ata që bëjnë diferencën”, përfundoi ai.