Pep Guardiola e ka lavdëruar edhe një herë Kevin De Bruyne, i cili do t’u japë lamtumirën tifozëve të Manchester Cityt në stadiumin Etihad sonte kundër Bournemouth, duke shënuar ndeshjen e tij të fundit në shtëpi pas një dekade me klubin.

Belgu, i cili do të largohet pas një ndeshjeje jashtë fushe kundër Fulham, nuk do t’i bashkohet Cityt për Kupën e Botës për Klube FIFA. Guardiola vlerësoi pasimet e jashtëzakonshme të De Bruyne, duke thënë: “Njëri është Messi, më i miri që kam parë, sepse ai vepron shumë afër zonës. Më lejoni të mendoj. Do ta vija Kevinin të dytin. Statistikat, golat, asistet, ndikimi në të tretën e fundit dhe talenti i tij janë unike. Kjo është arsyeja pse ai është një nga më të mëdhenjtë në historinë e këtij klubi. Ai është i veçantë.”

De Bruyne, i cili u bashkua nga Wolfsburg në vitin 2015, fitoi 16 trofe, duke përfshirë gjashtë tituj të Premier League dhe Ligën e Kampionëve 2023.

/GazetaBlic Sport