Carlo Ancelotti do të marrë një bonus prej 5 milionë eurosh nëse arrin ta udhëheqë Brazilin drejt titullit të Kupës së Botës në vitin 2026, raporton Globoesporte.

Ky është një nga bonuset më të mëdha në historinë e futbollit botëror. Paga vjetore e specialistit italian do të jetë e barabartë me 10 milionë euro, transmeton GazetaBlic Sport.

Ai do të ketë gjithashtu disa avantazhe ekskluzive si trajner i Brazilit. Ai do të jetë në gjendje të ketë aeroplanin e tij privat për udhëtime në Evropë kur të ketë nevojë.

Ancelotti do të drejtojë ekipin kombëtar për 14 muaj, domethënë deri në fund të Kupës së Botës, dhe që nga ajo kohë, do të negociohet një zgjatje nëse të dyja palët bien dakord.

Sipas planit fillestar, Ancelotti do të mbërrijë në Rio de Janeiro më 26 maj dhe më pas do të shpallë lojtarët e përzgjedhur për të luajtur dy ndeshje kualifikuese: kundër Ekuadorit dhe Paraguait, më 5 dhe 10 qershor.

/GazetaBlic Sport/