Real Madridi po përpiqet ta ketë Trent Alexander-Arnoldin në skuadrën e tyre për Kupën e Botës për Klube, sipas Relevo.

Kontrata e Trentit me Liverpoolin nuk skadon deri më 30 qershor, që do të thotë se ai nuk mund të luajë për një klub tjetër në qershor.

Real Madridi synon të negociojë me Liverpoolin për ta liruar Trentin përpara se të fillojë Kupa e Botës për Klube më 14 qershor.

Liverpooli mund ta lërë të lirë mbrojtësin e djathtë, pasi nuk do të marrë pjesë në Kupën e Botës për Klube, e cila do të zhvillohet në Shtetet e Bashkuara.

Real Madridi ka një problem me mbrojtësin e djathtë, me Lucas Vazquezin, i vetmi mbrojtës i djathtë i disponueshëm pas dëmtimit të rëndë në gju të Dani Carvajal.

/GazetaBlic Sport