Kandidati i AAK-së për deputet, Bekë Berisha, me numrin 8, ka folur për kushtet e vështira të ushtarëve dhe tenderët e dyshimta për ushqim, duke e quajtur këtë një pasqyrë të një qeverie që ka humbur drejtimin, raporton GazetaBlic.

Ai kritikon abuzimet dhe korrupsionin që vazhdojnë të përshkojnë sistemin, duke kërkuar që kjo situatë të ndalet menjëherë për mirëqenien e ushtarëve tanë.

E plotë:

Ky është një fiksim tragjik i një realiteti që ka kohë që ekziston, veçanërisht kur flasim për kushtet e ushtarëve tanë.

Tenderët për ushqim dhe ndarjet e dyshimta të fondeve janë pasqyra të një qeverie që ka humbur drejtimin, e cila është e mbërthyer nga interesa të ngushta dhe abuzime që janë bërë të pashmangshme.

Ky nuk është një rast i izoluar, por një sistem që vazhdon të funksionojë si një rrjet i thellë korrupsioni.

Kjo duhet të ndalet menjëherë! Le ta bëjmë për ushtarët tanë!