Kandidati për deputet nga Aleanca për Ardhmërinë e Kosovës, Besnik Tahiri ka njoftuar për tubimin e mbajtur sot në Dardanë të Anamoravës.

Tahiri tha se Dardana është qytet ku njerëzit janë të lidhur fort dhe fuqishëm mes vete. Sipas tij, ky qytet ka arritur t’i kultivojë vlerat më të forta kombëtare të tolerancës, solidaritetit, mikpritjes dhe harmonisë.

Ai tha poashtu se Lidershipi i Faton Jakupit dhe struktura e AAK-së ndër vite është marrë me brengat dhe hallet e njerëzve.

“Ndryshe nga këto katër vite të dështuara të Qeverisë, në të kaluarën Kamenica ka marrë përkrahje të pa rezervë nga qeverisja Haradinaj. Ka vite që këtu nuk parashihet as nuk zbatohet asnjë projekt me rëndësi”, përfundoi Tahiri.