Inaugurimi i Presidentit të zgjedhur të Amerikës, Donald Trump do të bëhet në ambiente të mbyllura për shkak të temperaturave të ftohta.

Hera e fundit që ndodhi kjo ishte në vitin 1985 kur Ronald Reagan bëri betimin e detyrës brenda ‘Capitol Rotunda’, shkruan CNN, përcjell GazetaBlic.

“Kam urdhëruar që Fjalimi i Inaugurimit, përveç lutjeve dhe fjalimeve të tjera, të mbahet në Capitol Rotunda të Shteteve të Bashkuara, siç u përdor nga Ronald Reagan në 1985, edhe për shkak të motit shumë të ftohtë”, njftoi Trump të premten.

“Ne do të hapim Capital One Arena të hënën për shikimin LIVE të kësaj ngjarjeje historike dhe për të pritur Paradën Presidenciale. Unë do t’i bashkohem turmës në Capital One, pas betimit tim”, shtoi Trump.

/GazetaBlic