Kandidati i Lidhjes Demokratike të Kosovës për deputet, Izet Sadiku është takuar me ata që po angazhohen në fushatën e kësaj partie për zgjedhjet parlamentare të 9 shkurtit.

Sadiku i falënderoi ata, ndërsa shkroi në Facebook se me punë të tillë, “LDK-ja padyshim do të dalë fituese”.

“Të gjithë ju po jepni kontribut të jashtëzakonshëm në forcimin dhe avancimin e LDK-së. Aktivitetet që po realizoni, puna dhe angazhimi juaj pa kushte, janë themeli mbi të cilin po ndërtojmë të ardhmen e shëndoshë dhe të fortë të partisë sonë”, shkroi ai.

“Faleminderit për angazhimin dhe fushatën që po bëni, për çdo minutë të kaluar, për çdo përpjekje, dhe për çdo hap që po bëni në mbështetje të fitores! Me punë të tillë, LDK-ja padyshim do të dalë fituese. Ju jeni pjesë e ndryshimit ! Dega e V-të🙌 124 LDK✅ Lumir Abdixhiku 1✅ Izet Sadiku 35✅“, shtoi Sadiku.