Ministri i Jashtëm shqiptar Igli Hasani ka zhvilluar takime me zyrtarët më të lartë të shtetit të Ukrainës.
Hasani zhvilloi takime me presidentin ukrainas Volodymir Zelenskyn, Kryetarin e Parlamentit Ruslan Stefanchuk, Kryeministrin Denys Shmyhal, zv/kryeministren Olga Stefanishyna dhe Ministrin e Jashtëm Andrii Sybiha.
“Takime produktive në Kiev me Presidentin Volodymyr Zelenskyy, Kryetarin e Parlamentit Ruslan Stefanchuk, Kryeministrin Denys Shmyhal, zv/kryeministren Olga Stefanishyna dhe Ministrin e Jashtëm Andrii Sybiha.
Shkëmbyem instrumentet e ratifikimit të Marrëveshjes së Miqësisë dhe Bashkëpunimit ndërmjet Ukrainës dhe Shqipërisë dhe nënshkruam një Memorandum Mirëkuptimi, të fokusuar në bashkëpunimin në integrimin evropian.
Këta hapa përfaqësojnë progres të rëndësishëm në forcimin e marrëdhënieve midis vendeve tona dhe riafirmojnë angazhimin tonë për një partneritet të fortë dhe të qëndrueshëm.
Shqipëria qëndron me vendosmëri me Ukrainën në rrugën e saj drejt paqes, sigurisë dhe të ardhmes evropiane”, shkruan në X Hasani.
Productive meetings in Kyiv with President @ZelenskyyUa, Speaker of Parliament @r_stefanchuk, Prime Minister @Denys_Shmyhal, Deputy Prime Minister @StefanishynaO and Foreign Minister @andrii_sybiha.
We exchanged the ratification instruments of the Agreement of Friendship and… pic.twitter.com/c2QP1eLirg
— Igli Hasani (@IgliHasani) January 18, 2025
