Khvicha Kvaratskhelia është ‘ylli’ i ri i Paris Saint-Germain. Parizienët bënë zyrtare blerjen e gjeorgjianit, hero i titullit të tretë të Napolit, i cili largohet nga të kaltrit në mes të një sezoni, kur ata po luftojnë për një tjetër titull. Ai nënshkroi një kontratë për katër vite e gjysmë, deri në vitin 2029.

Skuadra franceze ka shpenzuar rreth 75 milionë euro, duke iu afruar kërkesave të De Laurentiis, i cili refuzoi të përfshinte në operacion Milan Skriniar.

“Është një ëndërr të jem këtu. Më kanë thënë shumë gjëra pozitive për PSG-në. Ndihem krenar të bashkohem me këtë klub të madh dhe mezi por pres të vesh ngjyrat e mia të reja,” shpjegoi gjeorgjiani në faqen e internetit të klubit të tij të ri.

Al Khelaïfi shprehu kënaqësinë e tij: “Khvicha ishte shumë i vendosur për t’u bërë pjesë e klubit tonë të madh. E di që ai do të arrijë të gjitha objektivat e tij me ne. Jemi të kënaqur që forcojmë skuadrën tonë dhe vazhdojmë të bëjmë që kolektivi të jetë ylli i Paris Saint-Germain.”