Trajneri i Real Betis, Manuel Pellegrini ka lavdëruar skuadrën e talentuar të Barcelonës, pas humbjes së ekipit të tij në Copa del Rey ndaj gjigantëve katalanas.

Pellegrini pranoi se Barça krenohet me një grup mbresëlënës lojtarësh të klasit të lartë.

“Për momentin, Barça ka katër ose pesë nga lojtarët më të mirë në botë”, tha Pellegrini.

“Nuk bëhet fjalë për një lojtar, por për të gjithë ekipin”.

Trajneri kilian veçoi edhe Lamine Yamal, duke vënë në pah presingun agresiv dhe cilësinë e përgjithshme të të riut.

“Ne tashmë e dimë se sa i mirë është Lamine Yamal”, tha Pellegrini.

“Agresiviteti i tij kur bënte presion ishte jetik për ta. Shpresoj që ai të vazhdojë të përparojë, ai është ende shumë i ri”, përfundoi ai.

/GazetaBlic Sport