Trajneri i Real Madridit, Carlo Ancelotti, foli në një konferencë për shtyp përpara çerekfinales së Kupës së Mbretit kundër Celta Vigos.

Fituesi do të përcaktohet në një ndeshje të vetme që do të luhet në Santiago Bernabeu nesër nga ora 21:30, përcjell GazetaBlic Sport.

“Kjo është një mundësi e mirë për të hequr qafe ndeshjen e keqe (kundër Barcelonës për Superkupën e Spanjës, humbi 2:5) që na lëndoi shumë. Ne duam të reagojmë dhe shpresojmë ta bëjmë mjaft mirë”, filloi Ancelotti.

“Ndeshja kundër Barcelonës është një hap prapa, por ne duhet të ecim përpara. Jemi ende në një pozicion të mirë në të gjitha garat. Natyrisht ishte një ndeshje e keqe, e analizuam dhe kërkuam arsyet. Mungesa e angazhimit është kolektiv ”, shtoi trajneri..

“E mira e futbollit është se pas një ndeshjeje të keqe, një disfate të tillë, ju keni mundësinë të paraqiteni mirë nesër. Kjo ju jep mundësinë të fokusoheni shumë në atë që duhet të bëni, jo në gjënë e keqe që ndodhi. “Vazhdoi Ancelotti.

“Unë nuk i ndjek kritikat. Një ditë je më i miri në botë, dhe tjetrin më budallai. Unë e di kush jam dhe nuk më tërheq vala e kritikave. Mendoj se unë nuk jam më i miri, por nuk jam as më budallai”, përfundoi Carlo Ancelotti.

/GazetaBlic Sport/