Negociatorët po bëjnë përpjekje të gjejnë detajet përfundimtare të një armëpushimi në Gaza të mërkurën pas bisedimeve maratonike në Katar.

Udhëheqësit e SHBA-së dhe Egjiptit premtuan të qëndrojnë në kontakt të ngushtë për një marrëveshje gjatë orëve në vijim, raporton Reuters.

Më shumë se tetë orë bisedime në Doha kishin ushqyer optimizëm. Zyrtarët nga ndërmjetësit Katari, Egjipti dhe SHBA-ja, si dhe Izraeli dhe Hamasi thanë se një marrëveshje për një armëpushim në enklavën e rrethuar dhe lirimin e pengjeve ishte më afër se kurrë.