Kandidati për deputet nga radhët e AAK-së Xhavit Zariqi në një intervistë dhënë për “Gazeta Blic”, ka treguar se do të marrë pjesë në inaugurimin e presidentit të zgjedhur të Amerikës, Donald Trump.

Zariqi thotë se ka kohë që e ka marrë ftesën ku shprehet shumë i lumtur që Trump ka arritur fitore, ku shton se edhe para 4 vitev ka fituar por i është bërë e padrejtë.

Ndër të tjera ai thotë se Trump do të ndërmarrë hapa pozitiv për shuarjen e vatrave të luftës.

“Po unë kam një ftesë, ka kogja kohë që e kam dhe do të marrë pjesë në inagurimin e presidentit Trump, dhe jam shumë i kënaqur që ka fitu dhe kam qenë idhtarë që të fitoj bile edhe para 4 vitev, kam qenë idhtarë që të fitoj dhe besoj që edhe atëherë ka fitu por iu ka bërë e padrejtë dhe unë besoj që Trump do të jetë një lider botëror, është lider botëror dhe i pari i botës por që do të ndërmerr hapa pozitiv për shurjen e vatrave të luftës dhe për një stabilitet mbarë botëror”, tha ai.

Zariqi shprehet krenar që do jetë pjesë e këtij event, pasi që kjo është një ngjarje jashtëzakonisht e rëndësishme dhe një event i cili ndodh shumë rrallë dhe pak persona marrin pjesë aty.

“Për mu do të thotë shumë, sepse është një ngjarje jashtëzakonisht e rëndësishme një event që ndodh shumë rrallë dhe pak persona do marrin pjesë aty. Në bazë të informative të mia në nivel global botëror dhe amerikan marrinë pjesë 1800 veta dhe me qenë pjesë e atyre 1800 vetave në ngjarje botrore nuk është pak prandaj unë jam krenar që jam pjesë e atij eventi”, përfundoi ai.