Kandidati për deputet nga radhët e LDK-së nga Istogu, dr. Besim Mulaj, ka reaguar përmes një shkrimi në Facebook pas hapjes zyrtare të fushatës së këtij subjekti politik.
Mulaj tha se ‘krejt Kosova është me LDK-në’.
Ai theksoi se sonte Pallati i Rinisë në Prishtinë u mbush me energjinë dhe emocionet e mijëra aktivistëve dhe mbështetësve të Lidhjes Demokratike të Kosovës nga çdo anë e vendit.
“Atmosfera ishte e jashtëzakonshme. Kandidatët fitues të LDK-së u prezantuan në një skenë që reflektonte unitet, shpresë dhe guxim për të ndërtuar një të ardhme më të mirë për Kosovën. Lideri ynë, Dr. Lumir Abdixhiku, mbajti një fjalim të fuqishëm dhe frymëzues që preku zemrat e çdo votuesi, duke i thirrur ata për të qenë pjesë e këtij ndryshimi historik” shkruan Mulaj raporton “Gazeta Blic”.
Ai tha se 9 shkurti 2025 është dita kur qytetarët e Kosovës do të votojnë për të ardhmen, për vizionin, dhe për LDK-në!
Postimi i plotë:
Krejt Kosova me LDK
Sonte, Pallati i Rinisë në Prishtinë u mbush me energjinë dhe emocionet e mijëra aktivistëve dhe mbështetësve të Lidhjes Demokratike të Kosovës nga çdo anë e vendit. Me krenari dhe vendosmëri, LDK bëri hapjen zyrtare të fushatës zgjedhore për zgjedhjet e 9 shkurtit 2025 – dita e madhe e fitores!
Atmosfera ishte e jashtëzakonshme. Kandidatët fitues të LDK-së u prezantuan në një skenë që reflektonte unitet, shpresë dhe guxim për të ndërtuar një të ardhme më të mirë për Kosovën. Lideri ynë, Dr. Lumir Abdixhiku, mbajti një fjalim të fuqishëm dhe frymëzues që preku zemrat e çdo votuesi, duke i thirrur ata për të qenë pjesë e këtij ndryshimi historik.
Ishte një kënaqësi e veçantë të takoja shumë aktivistë të përkushtuar dhe mbështetës të jashtëzakonshëm, të cilët me pasion dhe dashuri ndaj LDK-së po japin gjithçka për këtë fushatë. Angazhimi i tyre është shembulli më i mirë i forcës sonë kolektive.
9 shkurti 2025 është dita kur qytetarët e Kosovës do të votojnë për të ardhmen, për vizionin, dhe për LDK-në! Fitorja është e jona!
Bëhu ndryshimi, sepse pa besim s’ka ndryshim!
#ldk #BëhuNdryshimi #124 #79
