Kandidati i AAK-së për kryeministër, Ramush Haradinaj, ka zhvilluar një bisedë të sinqertë me përfaqësuesit e Sindikatës së Pavarur të Administratës së Kosovës, ku ka prezantuar ofertën e tij për një “Kosovë fituese”, raporton GazetaBlic.
Haradinaj theksoi se programi i tij ofron dyfishimin e pagave dhe pensioneve në sektorin publik, duke e arritur pagën minimale prej 500 eurosh.
Ai preku rëndësinë e rikthimit të dialogut social dhe forcimit të sindikatave në ndërtimin e politikave qeverisëse. Plani i tij synon ndalimin e largimit të kuadrove profesionale dhe ndërtimin e një Kosove më të fuqishme dhe me shpresë.
Lajmi i plotë:
Bisedë e sinqertë me përfaqësuesit e Sindikatës së Pavarur të Administratës së Kosovës , të cilëve i prezantova ofertën tonë për Kosovën fituese.
Ka vetëm një zgjidhje: Dyfishim i pagave në sektorin publik dhe të pensioneve, baraz me pagën minimale në vlerë prej 500 euro. Ky është zotim i yni të cilin do ta bëjmë realitet që në ditët e para gjatë mandatit qeverisës.
Programi ynë ofron zgjidhje konkrete dhe të realizueshme. Do të rikthejmë dialogun social qeveri – sindikatë dhe Kontratën Kolektive, do ta amandamentojmë Ligjin për organizmin sindikal në mënyrë që sindikatave t’i fuqizojme rolin e tyre në ndërtimin e politikave qeverisëse, do të bëhet implementimi i ligjit për pensionistët kontributdhënës për të punësuarit pas luftës së vitit 1998-99.
Plani ynë për Kosovën Fituese është garancë për të rikthyer dinjitetin e punës, për të ndaluar largimin e kuadrove profesionale nga vendi dhe për të ndërtuar një Kosovë që ofron shpresë për të gjithë.
Kosova Fituese është projekti që i duhet vendit tonë sot!
