Didier Deschamps do të largohet nga posti i trajnerit të Kombëtares së Francës pas Kupës së Botës 2026.
Federata franceze e konfirmoi këtë përmes një deklarate në rrjetet sociale, duke thënë: “Në krye të Les Bleus që nga viti 2012, trajneri më i madh në historinë e skuadrës franceze do të largohet pas Botërorit 2026”.
Deschamps ka qenë trajneri i kombëtares së Francës që nga viti 2012, duke i ndihmuar ata të fitojnë Kupën e Botës 2018 dhe të dalin si nënkampione në edicionin 2022.
Ata gjithashtu fituan UEFA Nations League 2020-21 dhe dolën nënkampionët në Euro 2016. Ai ka menaxhuar 165 ndeshje për Les Bleus deri më tani, në të cilat ata kanë fituar 105 ndeshje.
/GazetaBlic Sport
