Deputeti nga Partia Demokratike e Kosovës, Bekim Haxhiu, përmes një postimi në rrjetin social facebook, thotë se në këto zgjedhje ka synime edhe më të mëdha për mirëqenien e qytetarëve dhe për një Kosovë më të mirë.

Haxhiu thotë se në pesë mandate deputet kam qenë i përgjegjshëm dhe pranë çdo qytetari që kishte nevojë për mbështetjen e tij.

“Ju premtoj se unë do të vazhdoj të jem po ai njeriu i përkushtuar që dëgjon hallet tuaja dhe i prezanton ato për t’u dhënë zgjidhje”, tha ai.

Postimi i plotë:

Të dashur qytetarë,

Edhe kësaj radhe PDK-ja ma ka besuar rikandidimin për deputet të Kuvendit të Kosovës, sërish me numrin 109.

Në pesë mandate deputet jam munduar të jem i përgjegjshëm, të jem zëri juaj, të jem pranë çdo qytetari që kishte nevojë për mbështetjen time.
Në këto zgjedhje kam synime edhe më të mëdha për mirëqenien e qytetarëve, kam vizion të qartë për zhvillimin e një shoqërie më të drejtë e më të barabartë, për një Kosovë edhe më mirë, andaj tani unë kam nevojë për mbështetjen tuaj.

Ju lutem, bisedoni me familjarët tuaj, me miq e shokë, kërkoni nga ata që të votojnë për:

PDK✅
Bedri Hamazën për Kryeministër Nr.1✅
Bekim Haxhiu për deputet Nr.109✅

Ju premtoj se unë do të vazhdoj të jem po ai njeriu i përkushtuar që dëgjon hallet tuaja dhe i prezanton ato për t’u dhënë zgjidhje.

Me respekt,
Prof.Asoc.Bekim Haxhiu