Policia e Kosovës njofton se dy persona e kanë sulmuar fizikisht me thikë një person në fshatin Tërstenik të Drenasit.

Sipas raportit 24 orësh, të dyshuarit janë dërguar në mbajtje, ndërsa viktima ka pranuar tretman mjekësor.

“LËNDIM I RËNDË TRUPOR- Tërstenik 24.12.2024, 16:20. Janë arrestuar dy të dyshuar meshkuj kosovarë pasi që të njëjtit pas një mosmarrëveshje kishin sulmuar fizikisht me mjet të mprehtë (thikë) viktimën mashkull kosovar. Viktima ka pranuar tretman mjekësor, ndërsa të dyshuarit pas intervistimit me vendim të prokurorit janë dërguar në mbajtje.”, thuhet në raport, përcjell GazetaBlic.