Mbrojtësi i Man United, Diogo Dalot e kaloi natën e Krishtlindjeve në Lifeshare, një organizatë bamirëse për të pastrehët në qendër të Manchesterit.

Reprezentuesi portugez ndihmoi në ofrimin e ushqimeve të nxehta për më shumë se 100 persona gjatë vizitës së tyre.

“Unë kam jetuar në Manchester për më shumë se gjashtë vjet tani dhe jam krenar që e quaj këtë qytet shtëpinë time,” tha Dalot.

“Fatkeqësisht, të pastrehët janë në rritje; si familje ne duam të rrisim ndërgjegjësimin dhe gjithashtu të ndihmojmë drejtpërdrejt njerëzit kudo që mundemi.

“Ne kemi filluar të punojmë me Lifeshare, një bamirësi e jashtëzakonshme që bën kaq shumë për të ndihmuar njerëzit. Vullnetarët që kam takuar këtu sot janë vërtet frymëzues, janë heronj të vërtetë dhe ishte kënaqësi të mësoja për përkushtimin e tyre.

“Jam vërtet mirënjohës që kam mundur të kaloj kohë me ta dhe të luaj një rol të vogël në ndihmën për të ofruar një punë kaq jetike për njerëzit që ata mbështesin”.

Lifeshare ka nisur Projektin e tij vjetor të Krishtlindjeve kur, për një javë, ata hapin dyert për këdo që ka nevojë për strehim, ushqim, një dush të nxehtë ose për të ndërruar rroba.

/GazetaBlic Sport