Kandidati për deputet nga LDK, Besim Mulaj, ka bërë homazhe në nderim të vizionit dhe trashëgimisë së Presidentit Historik Dr. Ibrahim Rugova, në 35 vjetorin e themelimit të kësaj partie, raporton Gazeta Blic.

“Dr. Rugova mbetet frymëzimi ynë i përjetshëm, simbol i unitetit dhe i rrugëtimit tonë drejt një Kosove të pavarur dhe demokratike. Sot, ndërsa kujtojmë themelet e forta që ai vendosi, ne angazhohemi për të vazhduar punën me përgjegjësi dhe përkushtim, duke ndjekur idealet që na bashkojnë”, ka shkruar ai në Facebook.

Postimi i tij i plotë:

Homazhe në nderim të vizionit dhe trashëgimisë së Presidentit Historik Dr. Ibrahim Rugova

Sot, së bashku me kandidatët për deputetë të LDK-së, të udhëhequr nga kryetari ynë, Prof. Dr. Lumir Abdixhiku, bëmë homazhe në varrin e Presidentit Historik Dr. Ibrahim Rugova. Në këtë ditë të shënuar, 35-vjetorin e themelimit të Lidhjes Demokratike të Kosovës, u bashkuam në përulje dhe respekt të thellë për vizionin, urtësinë dhe përpjekjet e tij për liri, paqe dhe demokraci.

Dr. Rugova mbetet frymëzimi ynë i përjetshëm, simbol i unitetit dhe i rrugëtimit tonë drejt një Kosove të pavarur dhe demokratike. Sot, ndërsa kujtojmë themelet e forta që ai vendosi, ne angazhohemi për të vazhduar punën me përgjegjësi dhe përkushtim, duke ndjekur idealet që na bashkojnë.

Në këtë përvjetor të rëndësishëm, le të jemi të bashkuar për të ruajtur dhe avancuar vlerat që LDK-ja ka mbrojtur dhe promovuar që nga themelimi.

Pa besim, s’ka ndryshim!