Kreu i NISMA-s, Fatmir Limaj, ka kujtuar 26 vjetorin e rënies së Mujë Krasniqit dhe përvjetorin e Ushtrisë së Kosovës.

Limaj ka thënë se Mujë Krasniqi ka qenë ndër celulat e para të UÇK-së dhe një nga komandantët më të shquar. Ai thekson se përveç përvjetorit të rënies së Mujë Krasniqit sot shënohet edhe përvjetori i Ushtrisë së Kosovës.

Ndër të tjera ai thotë se Muja dhe të gjithë dëshmorët e kombit janë më meritorët për lirinë të cilën e gëzojmë sot.

Postimi i plotë:

“Sot bëhen 26 vite nga rënia heroike e komandantit të Brigadës 113 të Zonës Operative të Drenicës, Mujë Krasniqi – Kapuçi dhe 41 bashkëluftëtarëve të tij, në kufirin shqiptaro-shqiptar.

Mujë Krasniqi ishte një nga celulat e para të Ushtrisë Çlirimtare të Kosovës dhe një nga komandantët më të shquar të UÇK-së.

Në këtë përvjetor si çdo ditë tjetër, kujtojmë me pietet të lartë jetën dhe veprën e komandant “Kapuçit”.

Pikërisht në përvjetorin e rënies së Mujës, sot shënojmë edhe përvjetorin e formimit të Ushtrisë Kosovës.

Muja dhe të gjithë dëshmorët e Kombit janë më meritorët për lirinë të cilën sot e gëzojmë.

Lavdi jetës dhe veprës së Mujë Krasniqit dhe bashkëluftëtarëve të tij të rënë para 26 vitesh, Lavdi të gjithë dëshmorëve të Kombit!”

FL