Ministri i Punëve të Brendshme, Xhelal Sveçla ka njoftuar sërish për gjetjen e një sasie të konsiderueshme municioni, armësh dhe uniformash gjatë basisjes së zhvilluar në një ahur në veri të vendit.

Gazmend Morina nga Veriu.info në Politiko dha më shumë detaje rreth asaj që po ndodh aktualisht atje.

Sipas tij, sa herë që policia do të ndërmarr aksione hetimore në pjesën veriore do të gjej përmbajtje të tilla.

“Sekuestrimi i armatimit në komunat ne veriut të Kosovës po ndodh zakonisht kur po ka një ngjarje sikur kjo e fundit. Policia çdo ditë që të kryen bastisje në veri, të garantoj se mundet me gjet armë të tilla. Ata as nuk janë të parët e as të fundit. Por, aksionet e policisë pas aktit sikurse ky i Ibër-Lepencit vazhdojnë me kontrollu terrenin mos rastësisht po bien në gjurmë. Mendoj se është me rëndësi që më 26 nëntor janë hedh dy bomba te stacioni policor në Zveqan, ku dihet prej pozicionit, është një kodër e është bajagi vështirë me u afru dikush e me gju bomba.Ata që kanë gju e kanë përgadit terrenin mirëpo nuk janë gjet autorët”, deklaroi ai.