Arijanet Muric po vlerësohet pothuajse çdo javë për paraqitjet e tij në fushën e blertë.

Muric është pjesë e Ipswich Town në elitën e futbollit anglez, pas transferimit këtë verë nga Burnley.

Skuadra e Muric po lufton për mbijetesë, mirëpo paraqitjet e portierit kosovar po bien në sy gjithmonë.

Edhe këtë javë, nuk ishte më ndryshe.

Ndonëse Ipswich u mposht si mysafir i Nottingham Forest, me shifrat prej 1-0, Muric zuri një vend në formacionin e javës, i përpiluar nga “WhoScored”.

Gjiganti dardan u vlerësuar me notën prej 7.22 nga sajti i njohur në Britaninë e Madhe.

Muric në ndeshjen ndaj Forestit kishte katër pritje, tri të tilla brenda zonës së rrezikshme.

Ndeshjen e ardhshme, Muric me Ipswich Town do të sfidohen nga Crystal Palace, me takimin që luhet në “Portman Road”.