Hansi Flick ka folur për përballjen e sotme kundër Brest në Montjuic në kuadër të xhiros së pestë të Ligës së Kampionëve.

Skuadra e Barcelonës fitoi pastër me rezultatin 3-0, duke marrë tre pikë të rëndësishme.

Trajneri gjerman nuk e fshehu faktin se ishte shumë i lumtur.

“Jam shumë i lumtur. E merituam. Mund të kishim shënuar më shumë, por jam i lumtur sepse pas Celta Vigos, të bësh këtë paraqitje është e mrekullueshme.”

Lewandowski? “Ekipi e ndihmon atë të shënojë këta gola. Natyrisht, ai e di se duhet të shënojë dhe luan për të, por ajo që bën skuadra është e mrekullueshme.”

Gerard Martin? “Është mirë që ai ka pasur mundësinë, ai ka bërë shumë mirë”.

Pedri-Casado? “Nuk po më befasojnë. Unë i shoh çdo ditë në stërvitje dhe janë shumë të mirë. Pedri është i pabesueshëm me topin, Gavi po kthehet, Dani ka shënuar… Jam shumë i lumtur me të gjithë lojtarët në mesfushë”, përfundoi ai.

/GazetaBlic Sport