Trajneri i Atletico Madridit, Diego Simeone, tha përpara ndeshjes së tyre në Ligën e Kampionëve me Sparta Pragën se formati i ri do të thotë se nuk ka lojëra të lehta në këtë garë.

“Nga ajo që na tregojnë rezultatet dhe nga ajo që ndodh në ndeshje, e kuptoj se ky format i fton të gjithë të kushtojnë edhe më shumë vëmendje”, tha Simeone në konferencën e tij për shtyp.

“Gjithmonë të bëjnë presion për të fituar. Ka ndodhur më parë, por tani është një ligë ku të gjithë luajnë kundër të gjithëve dhe nuk është e lehtë për askënd”, shtoi Simeone.

“Liga e Kampionëve kërkon më të mirën nga ju. Të detyron të fitosh. Ata janë një kundërshtar i vështirë (Sparta Praga)… dhe në shtëpi kanë një ritëm të shpejtë. Nuk mund të imagjinoj ndonjë situatë tjetër përveçse të fitosh këtë lojë”, përfundoi ai.

Sparta Praga dhe Atletico Madrid ballafaqohen nesër nga ora 18:45.

/GazetaBlic Sport