Xabi Alonso ka theksuar se i duhen të gjithë lojtarët e tij që Bayer Leverkusen të përballojë agjendën e ngjeshur. Specialisti ka folur para ndeshjes kundër RB Salzburg në Champions League.

“Ne kemi nevojë për të gjithë ekipin, por kemi gjashtë lojtarë të lënduar, të gjithë të rëndësishëm. Është stresuese të luash çdo tre ditë. Është një situatë e veçantë ku kemi nevojë për çdo lojtar”, komentoi Alonso.

“Ne e dimë se sa të rëndësishme janë ndeshjet e ardhshme në shtëpi kundër Salzburgut dhe Interit. Ne presim një kundërshtar të mirë,” shtoi ai.

Leverkusen e Salzburg luajnë nesër nga ora 21:00.

/GazetaBlic Sport