Pas humbjeve ndaj Liverpool dhe Bayer Leverkusen, Milani ka rikthyer formën në Ligën e Kampionëve duke fituar ndaj Club Brugge dhe Real Madrid. Dy fitore që i kanë lejuar kuqezinjtë të ngjiten në 6 pikë në renditje, aktualisht në vendin e 20’të në grupin e kompeticionit europian.

Prandaj Milanit i kërkohet të sigurojë vazhdimësi të rezultateve në përpjekje për të rikuperuar pozicione të rëndësishme. Kundërshtari i radhës do të jetë Slovan Bratislava.

Abraham, sulmuesi i Milanit thotë se të gjitha duelet janë me rëndësi, andaj do futen në ndeshje për fitore.

“Për ne të gjitha ndeshjet janë të rëndësishme, po vijmë nga një fitore e madhe kundër Realit. Ne jemi një ekip i madh. Për mua është e rëndësishme të luaj mirë. Për mua është bukur të luajë me dhe pa Moratan, kemi cilësi të ndryshme. Ne kemi mundësinë të ndihmojmë ekipin dhe duhet ta bëjmë këtë”, tha Abraham për Sky Sports.

/GazetaBlic Sport