Skuadra e Barcelonës nuk ka arritur më shumë se një pikë ndaj Celta Vigos në ndeshjen e vlefshme për javën e 14-të në La Liga.

Ndeshja u mbyll me shifrat 2:2, në një takim tejet interesant.

Trajneri gjerman, Hansi Flick pas ndeshjes tha se skuadra e tij luajti dobët, shumë dobët.

“Kemi pasur një lojë të keqe dhe jo vetëm në 10 minutat e ndeshjes, por nuk më pëlqeu e gjithë performanca.

“Bëmë shumë gabime. Nuk e kontrolluam topin. Duhet të kthehemi në nivelin tonë”, tha trajneri Hansi Flick

Barcelona ishte duke fituar me shifrat 0:2 deri në minutën e 82’të, ku gjërat ndryshuan pas kartonit të kuq nga Casado.

Fillimisht për 1:2 shënoi Gonzalez dhe më pas për 2:2 shënoi Alvarez.

Edhe me këtë barazim, Barcelona e Hansi Flick mbetët në pozitën e parë me 34 pikë, kurse Celta në pozitën e 11-të me 18 pikë.