Presidenti i Shqipërisë, Bajram Begaj, ka bërë një urim me rastin e Ditës Kombëtare të Alfabetit së Gjuhës Shqipe.

Begaj përmes një postimi, këtë festë e quan si thesarin më të çmuar e simbolin më të bukur të bashkimit kombëtar, shkruan GazetaBlic.

“Dita Kombëtare e Alfabetit nuk është thjesht festa e shkronjave shqipe, por përkujtim i shekujve të qëndresës së gjuhës sonë në të shkuarën, mirënjohje për vlerat e bukurinë e saj në të tashmen dhe një zotim për ta çmuar e iu dedikuar në të ardhmen. Gjuha e shqiponjave do të mbijetojë!”, ka shkruar Begaj në Facebook.